O'zbekiston tijorat banklari misolida risklarni diversifikatsiya qilish amaliyoti

Abstract

Mazkur maqolada O‘zbekiston tijorat banklari faoliyatida risklarni diversifikatsiya qilish amaliyoti va uning bank tizimi barqarorligini ta’minlashdagi ahamiyati tahlil qilinadi. Zamonaviy bank tizimida kredit, likvidlik, valyuta va operatsion risklar moliyaviy faoliyatning ajralmas qismi hisoblanadi. Shu sababli risklarni samarali boshqarish hamda ularni diversifikatsiya qilish banklarning moliyaviy barqarorligini oshirishda muhim omil bo‘lib xizmat qiladi. Tadqiqot davomida O‘zbekiston tijorat banklarida qo‘llanilayotgan risklarni diversifikatsiya qilish usullari, kredit portfelini tarmoqlar bo‘yicha taqsimlash, valyuta risklarini kamaytirish mexanizmlari va investitsion faoliyatni muvozanatlashtirish jarayonlari o‘rganildi. Shuningdek, xalqaro bank amaliyoti asosida milliy bank tizimida risklarni boshqarishning zamonaviy yondashuvlari tahlil qilindi. Tadqiqot natijalariga ko‘ra, diversifikatsiya strategiyasini takomillashtirish banklar faoliyatining samaradorligini oshirish va iqtisodiy xavfsizlikni mustahkamlashga xizmat qilishi asoslab berildi